Akhiri sawal..

Baat us samay ki hai jab Hindustan or Pakistan batwaare ki maar jhel rhe tha ..har ore khoon kharaba maar peet or dange fasad the..log jaise ek dusre ke khoon ke pyase the..tabaahi ka sa manzar tha..aman or chain se rhne wale log aaj barbarta pe utar aye the…Mai us waqt apne abba ke sath lucknow me thi.…batware ki aag lucknow tak aa pahuchi thi.purane luck now me har ore dange or maar peet machi thi..chowk ki tang galiyaan us kattarta ki chashmadeed gawah thi..

Us waqt sabke gharo me bijli nahi hua karti thi.kuch oonche auhde dar log hi us fehrist me shamil the jinke gharo me bijli or telephone hua krte the..sham hote hi logo k gharo se choolhe ka dhuan uthne lagta tha..

Us roj halki fulki barish ho rahi thi.maine chhajje se jhak ke dekha to ramsha aapa chulha jala rhi thi…maine puchha ,” aapa! Aaj badi jaldi chulha jalane lagi..lagta hai aaj kuch laziz banane ja rhi ho..mai bhi aati hu.” Mai 6 saal ki thi par thi bahut baatooni. Mai daudti hui neeche pahuchi to anwar ne mera rasta rok liya or chillate hue bola,” ammi ye resham fir aa gyi hamari sewaiyaan khane,,,ammi ham sach kehte hai ise na  yaha se nikal do,ye warna ye hamari sari cheeje leke bhaag jaegi.””aise nahi bolte…aane de use anwar bachi hai”, aapa boli..mere or anwar ki umr me koi fark na tha…mai use dhakka deke andar bhag gayi,,dekha to saara kamraa ekdm naya sa lag rha tha. Diwan pe nai chadar or farsh par nayi kaaleen bichhi thi… mai bhagke ammi ke pass gayi or kaha ,”khala!! Ye kya hai..aaj to badi sajawat hai.hamare mulk fir ek ho gae kya,,haan tabhi to aaj badi raunak hai..aapa bhi bahut khush hai or siwayi ki khushbu aa rahi hai,,aaj to daawat hogi!!”

Bachpan me kaha maloom hota hai ki ek baar jb rishte tut jae to unhe dobara jodna bahut mushkil hota hai or jab wo judte to unme gaanth pad jaati hai.

Khala haskar boli “ tu to bas siwayi kha baaki kuch mat soch samjhi pagli”mujhe kya karna tha, mai khush thi wajah jo bhi ho. Deewar pe tangi ghadi 8 baja rhi thi maine man me socha, ab tak abbu nai aye..upar hamare ghar me chirag bhi na jala tha.. dheere dheere lakdi or lohe se bani us purani seedhi par chadhte hue mai ungliyo se siwaiya chaat rahi thi..

Us waqt kiwad kholi to ajeeb si awaj aayi..kamre me ekdm andhera tha maine diyasalayi se mombatti jalai or sochne lagi abba ne kuch khaya bhi na tha subah bahut jaldi me nikle the.dekha to ek lauki rakhi thi bas wahi uthake katne lagi,,akeli baithi thi to kuch dhundhli si yaado ke caarvaan aankho ke samne se jane lage.2 saal pehle ammi pata nahi kaha chali gayi.rashid bhai ke sath bazaar gayi thi or tbse mai unse nai mili..abbu kehte hai unhe allah ne kisi zaruri kaam ke liye bulaya hai..aisa kya kaam hai unhe jo meri hi ammi ko bulaya liya or wo bhi mujhe chod ke chali gayi..mai unse baat nahi karungi.par abba kyu na aaye abtak.

Uthkar dekha to almari par rakhe sare dibbe lagbhag khali the..bas thodi chane ki daal rakhi thi..maine dibba uthaya or apni choti mutthi se do bar dal nikal k eek pateele me rakhi or lauki dal ke choolhe pe chadha diya..bahar baarish ruk chuki thi..mai bas abbu ke intzar me baithi thi…kabhi bahar kabhi andar..man bahut bechain tha…neche kuch shor sa sunaii diya maine socha abbu aaye hoge bhag ke gayi to dekha k eek tanga se kuch log aye hai khala unka istekbal kar rahi hai…kareeb adhe ghante bad wo log chale gaye..ramsha aapa bahut khush thi or khala bhi baar bar unhe gale laga rhi thi…ye sab dekh ke  acha lag rha tha par meri ankhe to abba ki fikr me sukhti ja rahi thi..khala pass ke postmaster ke ghar dastrkhaan  sambhalti thi…dekha to postmaster sahib yaha se ek aadmi bhaaga chala aa rha tha…mujhe us wakt kuch bhi jaanne ki koi ichcha na thi…mujhe bas mere abba chaihiye the..

Mai chup chap pas rakhe modhe pe baith gayi..khayalo ke saagar me na jaane kaha jaa pahuchi thi ki khala ki awaz sunai di,” resham sahiba kahan gum ho? Salim bhai nahi dikh rahe?or ye kya dekh to patile me daal jaal gayi..hayi ri! Kya karu mai iska na jaane kaha khoyi rehti hai?”

Khala!!! Maine roondhe hue gale se kaha

“Abba nahi aaye abhitak” or fir unse lipat ke rone lagi

Khala ne mujhe pyar se chuma or boli,” na meri bachi rote nahi,,aajenge abbu kaam bahut hoga na aaj to der hogai..tu chal sath khana khale..teri appi ka nikah pakka kar diya hai,sewaiya khaegi na,chal mai deti hu,,haan meri bachi” mujhe to samjha diya unhone par unke mathe par chinta ki badi lakire saf dikh rahi thi…

Wo mujhe leke neeche aa gayi..mujhe anwar ke sath baitha ke ham dono ke liye khana lene chali gayi.anwar neend me tha so mujhse ladai karna to dur ki baat thi khana khaneke liye hi jaaga rehta kaafi tha…khala or appi haule haule kuch baat kar rahi thi..us admi ke bare me jo postmaster ke  yaha se aaya tha…kuch der baad bahar aayi to aankho me aansu bhare the..surmayi ankhe ansuo se lal ho gayi thi..wo kuch na boli

Lekin mai shayad samajh gayi thi…dewaar ghadi 11 baja rahi thi or wo ajeeb sa sannata mujhe bata raha tha k shayad ammi or bhai ki tarah ab abbu bhi nahi aane wale the..mai khamosh thi,,kuch niwale mu me dale or is ummeed me so gayi ke shayad jab meri aankh khule to abbu mere pas ho……

..

..

..

Chidiyo ki awaj kaan me padi to aankh khuli .kamre me koi na tha..bahar bhag ke gayi to sabkuch anjaana laga…wakai anjaana tha…ek bada daalaan or lamba chabutara or uske baad bade bade kamre.ye hamara ghar to na tha..mai pagal si idhar udhar bhagne lagi,,pair ke neeche ek akhbaar aaya jisme kuch likha tha,,mai padhna to nahi janti thi par usme abba ki tasveer thi,,,ek lash khoon me sani hui…

Ye tasveer aaj bhi meri is diary me rakhi hai..us roj un dangaaiyon se bachne ke liye  khala hame leke faizabad aa gayi thi or tabse ham yahi hai..aaj ham 24 baras ke ho gaye hai or teen din baad hamara nikaah hai..

Kya hua kaise hua nahi pata. par Shayad us din siyaasi khel me hamare abba bhi ek mohra ban gaye …………