इश्वर जाएँ दरिद्र आयें.

har rat ki tarah ghar bahar ke tamaam kam nibta kar jb usdin bister par leti to yunhi na jane kyu kayi ajeeb tarah ke sawalo ne man mastishk ko gher liya. har roj na jaane kitne chehro ki kitni kahaniyo se rubaru hona padta hai. har chehre ke sath ek nayi kahani or har kahani ko likhne ka mera shauk..bas yahi sab sochte hue na jaane kab neend lag gayi..

achaanak mere sir ke paas jor jor se kuch awaje aane lagi. mai un dino lucknow aayi hui thi apni bua ji ke ghar. adhi rat gaye achanak aisi awaje jaise koi kisi ko peet raha ho. mai ander tak sehem gayi.thand ke din the or sannat me goonjti wo awaaze. mai yu to peshe se patrkar hu par dar to har insan ko lgta hai. maine sans khinch li or rajai taan li or kareeb adhe ghante tak bina hile dule sann mare padi rahi.. adhe ghante baad chuhe ki tarah us bil s muh nikala to bahar se kuch aurato ki awaj aa rhi thi.jaanne ki utsukta or dar ke bich dorahe pe kuch der khadi rahi. or aakhir mere patrkar man ne kaha ke mujhe jannna chahiye ye sab achanak se kya tha.

hawai chappal pairo me dal ke shawl leke jab mai bahar aayi to dekha ke rat ke sadhe 3 baje kuch aurte ghar ke aangan me puja kar rhi thi. anagan me ek badi si akrti bani thi jispe ek soop dhaka rakha tha or wahi par kuch ganne, singhare or shakarkand rakhe the. man me badi utsukta hui ke ye kya ho rha hai.jab tak me aage badhti ek ajeeb si awaaj peeche se mere kareeb ane lagi or kareeb or kareeb or mai to jaise putla ban gayi..ek to december ki thand uspe aisi khatarnak awaze..dar ke mare mere shareer ka khoon soookh gaya tha. maine aankhe band karli or bachpan se abtak jitne devi devtaao ko janti thi sab samne aane lage..na jane aj wo aurte shayad meri bali chadhane wali thi...

dheere dheere wo awaj mere bagal me thi or mai ulti ginti gin rhi thi..malum nahi shayd dar ke mare wo bhi galat gin rahi thi. or fir wo awaj mujhse kuch door jaake band ho gyi..ah!! meri jaan me jaan ayi lekn ye maut se pehle ka sannatta to nahi tha.....kaha fans gayi thi mai....

phir achanka se dhup batti ki khushbu jb naak me gayi to maine dheere se ek ankh khol ke dekha..wo aurte ishwar aaye daridr jaaye ishwar aaye daridr jaaye bar bar aisa kuch bol rahi thi.

mere samajh me to ek shabd nahi aa rha tha.jaise bachpan me ganit ke formule upar se jate the..tab ishare se ek aurat ne mujhe apni taraf bulaya..bas ab to meri khair nahi allah miya aap hi kuch kariye..bahut paapi hun lekin itni jaldi upar ka ticket mat katiye..or na jane kya kya..

mai dheere se aag badhi to usne mujhe ganna diya or bola ke ise chus ke yaha thuk do..ab ganna to zameen se uga tha par kya pata sb mujhe marne ke liye ek natak ho..lekin marti kya na krti mai wo ganna chusne lagi..

tb dusri aurat dheeme s boli ise देवोत्थान एकादशी kehte hai. isme ye soop peet peet ke ghar ke daridrta ko bhagaate hai or soye hue bhagwaan ko uthate hai.. ishwar aaye daridr jaaye aisa bolne se bhagwan ghar aate hai or daridrta door jati hai...is din chawal khane se pet me keede hote hai...har hindu ke ghar m hona chahiye warna bhagwan naraj ho jate hai..

khair jo bhi ho mai to khush thi ki mai bach gayi..wah re bhagwan ise kehte hai maut ke muh se bahar aana..in sab baato me kafi samay nikal gaya tha..agle roj mujhe mantralay jana tha to socha ke thoda sa aram kar liya jae kyuki itni der me 3 baar kidney me dil ka daura pad chuka tha..

wapas bistar pe late lete mai ye soch rhai thi ki kaise kaise tyohar hote hai bharat warsh me...maje ki baat to ye hai ki mai ek darpok patrkaar hu aaj sabit ho gaya,,lekin bade soch vichar ke baad mai is nateeje par pahuchi ki shayad kabhi kisi ne ulta mantr padh liya hoga ishwar jaaye daridra aaye...tabhi bharat me itni daridrta aa gyi hai.lekin fir bhi मेरा देश महान....