rishtey.....

Ishq yahi kuch do akshar ka shabd par mayne har ik shaks ke liye alag .

.

Mai aksar sham ko tehlte hue public library jaya karti thi. Bachpan se hi kitabe padhne ka bahut shauk tha mujhe.Kausani me meri naukri thi yahi kuch subah 9 se dopeher 2 baje tak ki, ek primary school me angreji ki adhyapika ki ek chhoti si naukri. Pahari ilaka hone ki wajah se andhera jaldi ghirne lagta tha.ghar me kam na tha or rat ka khana to hostel ki mess me milta tha to har roj 4:30 baje mai library me hoti thi or padhte likhte jane kab waqt beet jata tha. Jab 9 bje library band hone ka waqt ata to hi mai ghar jane ke bare me sochti thi.. Us library me ek janab ate the. Kala coat pehne har roj sham ko sabse kinare wali kursi par baithe dikhayi dete the.har roj sham 5 baje unka ana lagbhag tai tha. Pehnave se wakil lagte the, ankho pe mote glass ka chashma or dhyan kitab pe..umr hogi kuch 28-30 saal

Wahi pe thik 6:15 baje ek adher umr ki aurat ati thi.logo se suna tha ki wo talakshuda hai. Dekhne me ek aam Hindustani aurat jiska sara jivan apne pati or bacho ki seva me guzar gaya ho…kya wajah hogi uske jeevansathi se algaav ki..insaani rishto ki koi thah nahi.

.Kitna Ikhtiyar Tha Us Ko Apni Chahat Pay,,, “””Jab Chaha Yaad Kiya Jab Chaha Bhula Diya,,, “””Janta Tha Woh Muj Ko Behlany Ka Har Andaaz,,, “””Jab Chaha Hansa Diya Jab Chaha Rula Diya,,, “””Dil Bhi Us Ka Tha Pyar Bhi Us Ka Tha,,, “””Jab Chaha Mera Naam Likha Jab Chaha Mita Diya.

  Dono ki kafi jaan pehchan lagti thi. Wakil sahib har roj kuch likha krte the na jane kya or madam use padh ke kuch yun khilkhilati thi mano koi naya fikra har roj mil raha ho padhne ko..Wo har roj ek chote se tifin me kuch laati thi wakil sahib k liye. Fir baton me dono ko duniya ki koi sudh nahi rehti thi..na wakt ka khayal na logo ki fikar.kayi bar log ajeeb tarah ki baate kiya karte the.Aisa lagta tha mano wahi kuch lamhe hai jo unke chehro pe muskaan de jaate hai ankhe to mano har wakt ye sawal karti thi 

Khamosh fiza thi kahin SAYA b nhi tha, Is shehr me HMSA koi aya b nhi tha, Kis jurm me CHhENI gai hm se hansi, Hm ne to kisi ka DIL dukhaya b nhi tha. 

Ek roj kuch bacho ne zid ki k madam hme Milton ki ek kavita ko dobara padha dijiye. Maine unhe sham 5 baje ka wqt diya or us din library jane ke bajaye bacho ko padhane wahi apne kamre par ruk gai..6 baje tak kafi baadal ghir aaye the to maine bacho ko ghar bhej diya..or kuch hi der bad bhayankar baarish hone lagi. Ajeeb sa toofani bawandar tha mano kuch badal rha ho. Andhera bhi ghir aya tha hawao ki sansanhat or pero ki pattiyon se takrane ki awaj ek darawna ehsas kara rhi thi…baarish ki awaj charo or goonj rhi thi…ajeeb si raat thi..sannata cheerti jheenguron ki awaj pure mahaul ko or bhi khaufnak bana rahi thi…

Der rat ho gai thi lekin aankho me neend na thi…dheere se uth kar maine laltern me batti jalai or mej par rakh kar socha ke kuch padhu..na jaane kab aankh lag gaiSubah jab chidiyo ke chehkne ki awaj sunai di to ankh khuli fir mej par se sab samet kar mai apne rojmarra ke kaam pe lag gai.sham ko apne wakt pe library  pahuchi…lekin aaj kuch ajeeb tha

5 se paune 6 ho gai the lekin wakil sahib ka koi pata nahi tha..mujhe lga 6:15 tak madam ke sath aege ..par na madam ayi or na wo janab.isi tarah kai din beet gaye..tab ekdin apni utsukta to shant karne ke liye maine librarian se pucha to uske pass bhi mere sawalo ka koi jawab nai mila..Kayi din beet gaye or mai primary school ki teacher se ek oonche auhde par promote kar di gayi…sabkuch bahut hi behtar tha…har roj jile ke rasookhdar logon se milna hua krta tha

Ek din aisi hi ek meeting me mujhe kausani se kuch 23 km dur ek kasbe me jane ka mauka mila. Ek drishtibaadhit skool me jana tha waha par bacho ke liye naya skool banwane ke liye kuch dastaawezo ki jaanch karni thi.

Skool ki principal kuch jani pehchani si lagi..dimag par bahut zor diya lekin kuch yaad nahi aa rha tha..baato baato me kitabo ka zikr utha to yad aaya ke ye wahi madam thi jo roj library me aya karti thi..unki hasi jo suni kitaabo ko jaan de jati thi…aj itni boodhi lag rahi thi chehre pe jhurriyon ka jhurmut baal safed ankhe umeed se khali..wo zindagi ko apni sharto pe jeene wali aaj nirasha ke andhero me kahin gumsum si lag rhi thi …hazaro sawal bijli ki tarah kaundh gae.

Na jaane achanak mai kyu puch baithi ki aapke sath jo wakil sahib aate the wo kaha hai ajkal?? Aplog us barsat ki rat ke bad dikhayi nahi diye..Unhone is tarah mujhe dekha mano maine unki dukti nabz par hath rakh diya ho…aankhe chhalak padi or wo boli

“wo the to mere wakil par maine apni zindagi ke kuch tanha lamhe unke sath guzare..umr me wo mujhse kafi chote the par rishto ki samajh mujhse jada rakhte the..us roj baarish me jab patto par se dhool ki parte utar rahi thi tab hamne bhi apne kayi raaz sajha kiye..malum hua unhe bhi zindgi ki kayi uljhano ka samna karna pada par wo ghabrae nahi..mere or unke anaam rishte ko duniya ne kayi ilzam diye par har mod par mere sathi or mere sarthi ban kar khade rahe”

Kamre me sannata tha jaise mano waha rakhi hare k chij unki kahani sun rahi ho or un chalakti aankho ko lachari se dekh rhi ho.. isse pehle ki mai kuch aage puch pati us sannate ko cheerti hui awaj jisne mujhe hila kar rakh diya

“unhe cancer ne hara diya….mai janti thi  or wo !!!

Itna hi sath tha hamara..samjh nahi aata ke us wakt mai samaj ki taano se chhuti thi ya ek behad khoobsurat anaam rishte se”